#ახალიამბები
მწყობრიდან გამოსული გარეგანთების რეაბილიტაციისთვის, ბათუმის მერიამ 192 ათას 500 ლარიანი ტენდერი გამოაცხადა. საუბარია თამარ მეფის გამზირზე, ბათუმის მუსიკალური ცენტრიდან ბარცხანის ხიდამდე სანაპირო ზოლის გასწვრივ არსებულ დეკორატიულ განათებებზე. ოპოზიციის თქმით, არჩილ ჩიქოვანს კიდევ ერთხელ სურს კორუფციული გზით ფულის გათეთრება. რეზო ხარაზის განმარტებით, აღნიშნულ მონაკვეთზე არსებული 86 ერთეული განათების გამოცვლისთვის, ქალქის ბიუჯეტიდან, 2021 წელს 465 ათას 270 ლარი დაიხარჯა, თუმცა ის ერთ თვეში გამოვიდა მწყობრიდან. მისივე თქმით, ახალი განათების ბოძები კუსტარულადაა დამზადებული და ერთ ცალში გადახდილი 4 ათას 42 ლარი ხარისხს არ შეესაბამება. ბათუმის მერიაში, გასულ წელს რეაბილიტირებული დეკორატუილი განათების ხელმეორედ რეაბილიტაციის დღის წესრიგში დაყენებას, ელექტროსადენების მოპარვით ხსნიან.