#ახალიამბები
აჭარაში მომსახურების სერვისის გაუმჯობესების მიზნით ტრენინგები გრძელდება. ტურიზმის დეპარტამენტმა მიმტანების მუშაობის ძირითადი პრინციპების, სასტუმროებსა და კვების ობიექტებში გაყიდვების მართვის, ასევე ადმინისტრატორ-რესეფშენისტების საერთაშორისო სტანდარტების მიმართულებით საგანმანათლებლო პროგრამები განაახლა. ტრენინგების სერია მიმტანების თეორიულ-პრაქტიკული სწავლებით გაიხსნა, რომელზეც სერვისის სტანდარტები, რესტორნის სტრუქტურა, მომსახურების თანმიმდევრობა, კომუნიკაციის ფსიქოლოგია, კონფლიქტური სიტუაციების მოგვარების ალგორითმი და სხვა მნიშვნელოვანი საკითხები განიხილეს. პროგრამაში რეგიონში მოქმედი ტურისტული სექტორის წარმომადგენლები არიან ჩართულნი.