ნოემბერი 29, 2022
76
#ახალიამბები
ბათუმში კიდევ ერთი სკვერისა და მოედნის მშენებლობა მიმდინარეობს. ახალ რეკრეაციულ სივრცესა და სპორტულ ინფრასტრუქტურას ტაბიძის პირველ ჩიხში აწყობენ. პროექტის ფარგლებში, სრულად უნდა მოწესრიგდეს ტერიტორია, სადაც საბავშვო ატრაქციონისა და საბაღე ინვენტარის განთავსებაა დაგეგმილი. უნდა დამონტაჟდეს სპორტული ტრენაჟორები და დეკორატიული სანათები. უნდა მოეწყოს გარეგანათების სისტემაც. მერიის ინფორმაციით, ტერიტორიას დეკორატიული ფილებით მოაპირკეთებენ და სხვადასხვა ჯიშის ხე-მცენარეებს დარგავენ. სამუშაოები მიმდინარე წლის ბოლოს უნდა დასრულდეს. პროექტის ღირებულება ნახევარ მილიონს აღემატება.
მაჩვენე მეტი