#ახალიამბები
სახალხო დამცველი საქართველოს მთავრობის წინააღმდეგ. საკონსტიტუციო სასამართლომ საქმის არსებითი განხილვა დაიწყო. სადავოა, მთავრობის 2020 წლის 17 ივლისის დადგენილება, რომელიც თავდაცვის სამინისტროს ბალანსზე არსებული ფართობის საკუთარებაში გადაცემის წესს არეგულირებს. მოქმედი ნორმა კრძალავს უძრავი ქონების საკუთრებაში გადაცემას საქართველოს მოქალაქეობის არმქონე პირზე. სარჩელის მიხედვით, ომბუდსმენმა განიხილა შემთხვევა, როცა საბერძნეთის მოქალაქემ, ვერ მიიღო მშობლებისგან მემკვიდრეობითი ქონება, რომელიც მათ მიღებული ჰქონდათ საქართველოს შეიარაღებულ ძალებში გაწეული სამსახურისთვის. ნინო ლომჯარიას განმარტებით, საქართველო მოქალაქეს ან მოქალაქეობის არმქონე პირს, აქვს თანაბარი ეკონომიკური ინტერესი უძრავი ქონების მემკვიდრეობით მიღების მიმართ. მოქმედი ჩანაწერი კი დაინტერესებულ პირებს არათანაბარ პირობებში აყენებს.