დეკემბერი 19, 2022
392
#ახალიამბები
ვოქსის ხანძრის გამო ევაკუირებული ოჯახები საკუთარ სახლებში უკვე ბრუნდებიან. ცეცხლი, საცხოვრებელ ბინებზე არ გადასულა, თუმცა, უსაფრთხოების მიზნით, ადგილობრივებს ტერიტორია დაატოვებინეს. შენობაში მეხანძრე-მაშველები ამ დრომდე მუშაობენ. რაც შეეხება გარე პერიმეტრს, კობალაძის ქუჩაზე მოძრაობა ცალმხრივად აღდგენილია, მიმდებარე ტერიტორიები კი, ისევ, საპატრულო პოლიციის ლენტებითაა შემოსაზღვრული. თვითმხილველების შეფასებით, მეხანძერე-მაშველებს ხანძრის ლიკვიდაცია გაუჭირდათ. მაღალ სართულიანი შენობებით დაპროექტებულ ქალაქში, 22 სართულიან შენობაზე მისაწვდომად შესაბამისი ინფრასტრუქტურა არ აღმოჩნდა. მეხანძრეები ცდილობდნენ, ცეცხლის ახალი კერები არ გაჩენილიყო და ალი საცხოვრებელ სართულებზე არ გადასულიყო.
მაჩვენე მეტი