საქართველოში არამატერიალური კულტურული მემკვიდრეობის ძეგლის სტატუსი დამატებით 6 ტრადიციას მიენიჭა. აღნიშნული ბრძანება საქართველოს კულტურული მემკვიდრეობის დაცვის ეროვნული სააგენტოს გენერალურმა დირექტორმა ნიკოლოზ აზნაურაშვილმა გასული - 2022 წლის 30 დეკემბერს გამოსცა და დოკუმენტი ძალაში გამოცემისთანავე შევიდა. დოკუმენტის მიხედვით არამატერიალური კულტურული მემკვიდრეობის ძეგლის სტატუსი შემდეგ ტრადიციებს მიენიჭა:

• „ქართული ხორბლის კულტურა: ტრადიციები და რიტუალები“;
• „გელათის მეცნიერებათა აკადემიის ტრადიცია“;
• „რთველის ტრადიცია საქართველოში“;
• „მცხეთური ღვეზელის დამზადების ტრადიცია და მისი კულტურული კონტექსტი“;
• „მესხური სამზარეულო – აპოხტის, წიბოსა და აპოხტის ხინკლის დამზადებისა და გამოყენების ტრადიცია“;
• „ინფექციურ დაავადება „ბატონებთან“ დაკავშირებული რიტუალური ქმედებები, სიმღერა და წეს-ჩვეულებები საქართველოში“.



#ახალიამბები #BusinessMediaGeorgia