საქართველოს დროშის შესახებ – ისტორიკოსი ნუკრი შოშიაშვილი

https://m.facebook.com/story.php?story_fbid=pfbid0yQaihAb6xiGqvk3QJWHfvDv4AKxyef27acKXbaAp6awhKm8QTcDjpnzLVcPunUrEl&id=100001904420675&mibextid=Nif5oz

პირველ რიგში ვიტყვი, რომ ნუკრი შოშიაშვილი გახლავთ ბატონი ნუკრი შოშიაშვილის - შესანიშნავი ქართველი ისტორიკოსის შვილიშვილი. ეს არ არის ჩემი შეფასება, ამას ამბობდა გურამ შარაძე, ხოლო ჩემი შეფასება არის ის, რომ უმცროსი ნუკრი ბაბუამისს არ ჩამოუვარდება. ვფიქრობ, ბევრი დამეთანხმება.
ახლა, რაც შეეხება გადაცემას და თემას - ხუთჯვრიან დროშას - დილემას, რომელიც ვერაფრით გადაჭრა საქართველომ, მიუხედავად იმისა, რომ ბუნებაში არ არსებობს ენციკლოპედია თუ წყარო, რომელიც მას გადაკვრით მაინც საქართველოსთან დააკავშირებს. პირიქით კი ნამდვილად არის - ყველა ამბობს, რომ ეს არის იერუსალიმის სამეფოს კათოლიკური დროშა!
ხაზგასმით ვამბობ, რომ ლაპარაკია სახელმწიფო დროშაზე და არა სიმბოლოზე. ხუთი ჯვარი ზოგადქრისტიანულია და საქართველომ, რომელმაც ერთ-ერთმა პირველმა ირწმუნა ქრისტე, ირწმუნა მისი სიმბოლოებიც. დიდი ჯვარი თავად ქრისტეს (ზოგიერთი წყაროს მიხედვით, ჯვარს, რომელზეც გააკრეს) აღნიშნავს, ხოლო პატარა ჯვრები ოთხ სამსჭვალს. ან მთლიანად, ხუთი ჯვარი ქრისტეს ხუთ ჭრილობაა. ამით აიხსნება ჩვენში აღმოჩენილი ქვაზე თუ მონეტაზე ამოკვეთილი მსგავსი სიმბოლოები.
აშკარად, ნუკრის დრო არ ეყო სათანადოდ აეხსნა მოვლენები, თუმცა, მგონია, რომ კიდევ კარგად მოასწრო და საერთოდ, გამიკვირდა კიდეც, რომ შალვა რამიშვილმა ამ თემაზე გაამახვილა ყურადღება. შალვას ბოლოდროინდელი სახეცვლილება ძალიან მომწონს და ვგულშემატკივრობ კიდეც, თუმცა, ახალგაზრდობიდან ცუდ წრეში იყო მოხვედრილი და ბოლომდე ვერ დაუძლევია კომპლექსები. არაუშავს, ყველაფერი წინ აქვს