#ახალიამბები
თბილისის საქალაქო სასამართლოში საქართველოს მესამე პრეზიდენტის მორიგი პროცესი მიმდინარეობს. მიხეილ სააკაშვილი ვერც დღევანდელ სხდომას დაესწრება. ამის შესახებ კლინიკა „ვივა მედიდან“ გაგზავნილი წერილი მოსამართლემ საქმის განხილვის დაწყებისას წაიკითხა. როგორც ირკვევა, მსჯავრდებულ პრეზიდენტს სასამართლოზე ფიზიკურად დასწრება სურდა, თუმცა სამედიცინო დაწესებულების ექიმმა ტრანსპორტირების რეკომენდაცია არ გასცა. ონლაინ პროცესში მონაწილეობაზე კი მიხეილ სააკაშვილი უარს ამბობს. ცნობისთვის, ექსპრეზიდენტის სასჯელის გადავადების, ან სასჯელისგან გათავისუფლების საქმეზე პროცესი 11 საათზე იყო ჩანიშნული, თუმცა სხდომა 1 საათის დაგვიანებით დაიწყო. ადვოკატების მთავარი შუამდგომლობა დღეს მოწმეთა დაკითხვის რეგლამენტის განსაზღვრაა. ამის შემდეგ მხარეები ნობელის პრემიის ლაურეატ ექიმს მოუსმენენ, რითაც უცხოელი ექსპერტების გამოკითხვა დასრულდება.