#ახალიამბები
საქართველოს აეროპორტების გაერთიანებას ახალი ხელმძღვანელი ჰყავს. პოსტზე ირაკლი ქარქაშაძე დაინიშნა, რომელიც მანამდე ქუთაისის მერის მოადგილედ მუშაობდა. გაერთიანების ცნობით, ახალ დირექტორს მაღალ მენეჯერულ პოზიციებზე მუშაობის მრავალწლიანი გამოცდილება აქვს. დაამთავრა ავიაციის ინდუსტრიაში წამყვანი კრემსის უნივერსიტეტის სამაგისტრო პროგრამა საავიაციო მენეჯმენტში. ფლობს სამრეწველო ინჟინერიის და მენეჯმენტის ბაკალავრის ხარისხს. ირაკლი ქარქაშაძის განცხადებით, მთავარი მიზანი საქართველოს აეროპორტების გაერთიანების გაძლიერებაა, რომელიც განვითარების ახალ ეტაპზე გადადის.