ელექტროენერგიის ბაზარზე სიმულაციური ვაჭრობისას კანონმდებლობით განსაზღვრული მოთხოვნების შეუსრულებლობის შემთხვევაში, ბაზრის მონაწილეები ინდივიდუალურად დაჯარიმდებიან - გადაწყვეტილება საქართველოს ენერგეტიკისა და წყალმომარაგების მარეგულირებელმა კომისიამ მიიღო. სემეკის გადაწყვეტილებით, ბაზრის ოპერატორებს 14 თებერვლამდე 6-12 თებერვლის სიმულაციური ვაჭრობის მონაცემების სემეკში წარდგენა დაევალათ, გარდა ამისა, 7 თებერვლამდე განესაზღვრა ვადა ელექტროენერგიის გადამცემი სისტემის ოპერატორს მასთან რეგისტრირებული პირდაპირი ხელშეკრულებების კომისიისთვის მისაწოდებლად. რატომ დადგა დღის წესრიგში დაჯარიმება, რა ხარვეზებია სიმულაციური ვაჭრობების დროს?

სტუმარი: ნიკოლოზ სუმბაძე - ბაზრის მონიტორინგის დეპარტამენტის დირექტორი
#ახალიამბები #BusinessMediaGeorgia