#ახალიამბები
2022 წლის მდგომარეობით, „კორუფციის აღქმის ინდექსის“ მიხედვით, საქართველოს 56 ქულა აქვს - ამის შესახებ „საერთაშორისო გამჭვირვალობის“ მიერ გამოქვეყნებულ კვლევაშია საუბარი. ორგანიზაციის ცნობით, შედეგი, ერთი ქულით მეტია, წინა წელთან შედარებით. ჩვენი ქვეყანა, ამ მაჩვენებლით, რეიტინგში შემავალ 180 სახელმწიფოს შორის, 41-ე ადგილს იკავებს. მესამე სექტორის შეფასებით, 2012 წლის შემდეგ, მდგომარეობა მნიშვნელოვნად არ გაუმჯობესებულა, რაც იმას ნიშნავს, რომ ბოლო 10 წელში ქვეყანას კორუფციის წინააღმდეგ ქმედითი ნაბიჯები არ გადაუდგამს. რეიტინგში საქართველოს საშუალო მაჩვენებელი წვრილმანი მექრთამეობის დაბალი დონითაა განპირობებული, თუმცა, კვლავ გამოწვევად რჩება, ელიტური კორუფცია და მის წინააღმდეგ ბრძოლის პოლიტიკური ნების არ არსებობა. „საქართველო უსწრებს ევროპის რამდენიმე ქვეყანას, თუმცა, ამავე დროს, მთელი 10 ქულით ჩამორჩება ევროპის რეგიონის საშუალო მაჩვენებელს“ - ნათქვამია „საერთაშორისო გამჭვირვალობის“ კვლევაში.