#ახალიამბები
განსაკუთრებით დიდი ოდენობით უაქციზო საქონლის შენახვა-გადაზიდვის ფაქტზე ერთი პირი დააკავეს, ამის შესახებ ფინანსთა სამინისტროს საგამოძიებო ორგანო იტყობინება. უწყების ცნობით, ბრალდებული, უკანონო მატერიალური სარგებლის მიღებისა და შემდგომი რეალიზაციის მიზნით, სატვირთო მანქანაში, დიდი ოდენობით უაქციზო სიგარეტს ინახავდა. საგამოძიებო მოქმედებების შედეგად, ამოღებულია სხვადასხვა დასახელების, ჯამში 241 ათას 639 ლარის ღირებულების 54 ათას 918 კოლოფი უაქციზო ნაწარმი.