#ახალიამბები
.ყალბი დოკუმენტების დამზადება-გასაღების ფაქტზე ერთი პირი დააკავეს. ბრალდებული, თანხის სანაცვლოდ, ამზადებდა და ასაღებდა ფულადი გზავნილების შესახებ ყალბ ამონაწერებს. საგამოძიებო მოქმედებების პროცესში, სხვადასხვა ორგანიზაციის სახელით დამზადებული ყალბი დოკუმენტები აღმოაჩინეს, მათ შორის, დიპლომი, სერტიფიკატები, უცხო ქვეყნის მართვის მოწმობები და პარკირების საშვები. გამოძიება საქართველოს სისხლის სამართლის კოდექსის 362-ე მუხლის მე-2 ნაწილით მიმდინარეობს. დანაშაული 3-დან 6 წლამდე ვადით თავისუფლების აღკვეთას ითვალისწინებს.