თებერვალი 21, 2023
108
#ახალიამბები
ყალბი ოფიციალური დოკუმენტების დამზადების, უფლებამოსილების ბოროტად გამოყენების, გულგრილობისა და უაქციზო საქონლის შენახვა-რეალიზაციის ფაქტებზე ხუთი პირი დააკავეს. ერთ-ერთ კონტრაქტორ კომპანიას, სამოქალაქო ბრუნვიდან ამოღებული უაქციზო თამბაქოს ნაწარმი, „სახელმწიფო ქონების ეროვნულ სააგენტო“-სთან გაფორმებული ხელშეკრულების საფუძველზე, შესაბამისი ანაზღაურების სანაცვლოდ, უნდა გაენადგურებინა. თუმცა, კომპანიის დირექტორი, თანამშრომელთან ერთად, საქონლის განადგურებასთან დაკავშირებულ დოკუმენტაციას აყალბებდა და უაქციზო თამბაქოს ნაწარმს ყიდდა. გამოძიება საქართველოს სისხლის სამართლის კოდექსის რამდენიმე მუხლით მიმდინარეობს. დანაშაული 6-დან 8 წლამდე ვადით პატიმრობას ითვალისწინებს.
მაჩვენე მეტი