#ახალიამბები
თურქეთში მიწისძვრის შედეგად დაზარალებულთა დასახმარებლად მოხალისედ ჩასული ქართველი კაცი დაიღუპა. ბათუმელი, 28 წლის დანიელ ბულკაშვილი 20 თებერვალს, განმეორებითი, დამანგრეველი მიწისძვრის დროს, კორპუსის ნანგრევებში მოყვა. ახლობლების ინფორმაციით, მეზობელ ქვეყანაში იგი რამდენიმე დღის წინ გაემგზავრა. გარდაცვალების ფაქტი კი, გუშინ, გახდა ცნობილი. მას სამშობლოში, 3 დღეში გადმოასვენებენ. ახალგაზრდა კაცს ერთი მცირეწლოვანი შვილი ჰყავს. ბულკაშვილი სამოქალაქო აქტივისტი იყო. იგი ბათუმში, თავისუფლების კვარტალში, თანამოაზრეებთან ერთად იმყოფებოდა. სულ რაღაც 4 თვის წინ დაბრუნდა რუსეთ-უკრაინის ომიდან. იგი მეგობარ ქვეყანაში, პუტინის აგრესიას, ომის დაწყების პირველივე დღეებიდანვე, რამდენიმე თვის განმავლობაში ებრძოდა.