გზების დეპარტამენტში ხიდის დაზიანების ერთ-ერთ მიზეზად უხვ ნალექს ასახელებენ. საქართველოს რეგიონული განვითარებისა და ინფრასტრუქტურის მინისტრის ირაკლი ქარსელაძის განცხადებით, სპეციალისტებს შესწავლა უკვე დაწყებული აქვთ. შემთხვევის შედეგად, არავინ დაშავებულა. სამტრედია-გრიგოლეთის პირველი 11.5 კმ-იანი მონაკვეთის მშენებლობა დასკვნით ეტაპზეა. გზის ეს მონაკვეთი გაივლის ქალაქ სამტრედიას და სამტრედიისა და აბაშის მუნიციპალიტეტის 4 სოფელს. სამუშაოები სახელმწიფო ბიუჯეტიდან ფინანსდება. BMG-ის დაუკავშირდა კონტრაქტორ კომპანია ,,ჯეუ გრუპსაც”, რომელიც ადგილზე სამუშაოებს ახორციელებდა. როგორც კომპანიის დირექტორი გიორგი თავართქილაძე ამბობს, კომპანიამ პროექტი 2022 წელს გადმოიბარა. ,,ჯეუ გრუპს” სხვადასხვა კონტაქტორის პირობებში 2013 წლიდან წარმოებული სამუშაოები უნდა გაეგრძელებინა. თავართქილაძის თქმით, დაზიანება, რომელ ბურჯზეც მოხდა, ,,ჯეუ გრუპს” უკვე შესრულებული ჩაბარდა, თუმცა თუ რომელმა წინამორბედმა კონტრაქტორმა შეასრულა ეს სამუშაოები მისთვის უცნობია. თავართქილაძე ერთ-ერთ შესაძლო მიზეზად უხვ ნალექს ასახელებს, რომელიც 100 წლიანი პერიოდის განმავლობაში არ დაფიქსირებულა.





#ახალიამბები #BusinessMediaGeorgia