#ახალიამბები
გალიფ ოზთურქს 8 წლით თავისუფლების აღკვეთა მიესაჯა. თურქი ბიზნესმენის საქმეზე ბათუმის საქალაქო სასამართლომ განაჩენი ცოტა ხნის წინ გამოიტანა. მოსამართლის, ლევან ყოლბაიას გადაწყვეტილებით, ბრალდებულს შეზღუდვები დაუწესდა მის ბიზნესს საქმიანობებში - 10 წლით შეეზღუდა მუშაობის უფლება ოზთურქის ფარმაცევტულ კომპანიას, მანქანების კომპანიას კი 5 წლის ვადით. ცნობისთვის, ბიზნესმენის მხარე გამამართლებელ განაჩენს მოითხოვდა. ადვოკატების მტკიცებით, პროკურატურას, მტკიცებულებები, სისხლის სამართლის კოდექსის უხეში დარღვევით აქვს მოპოვებული. შეგახსენებთ, გამოძიება გალიფ ოზთურქს „სისხლის სამართლის კოდექსის” 260-ე მუხლის მეორე ნაწილით ედავება, რაც დიდი ოდენობით ნარკოტიკული ნივთიერების შეძენა-შენახვას გულისხმობს. ბიზნესმენი 31 მაისს, ბათუმში დააკავეს.