#ახალიამბები
ხულოში არსებულ სასულიერო სკოლაში დასაქმებული მზარეულები მეუფე სპირიდონმა გაათავისუფლა, ხოლო მოსწავლეებს უფასო კვება შეუწყვიტა. ამის შესახებ განცხადებას ეპარქია სოციალურ ქსელში ავრცელებს და მიზეზად ფინანსურ კრიზისს ასახელებს. სასულიერო დაწესებულება წერს, რომ მოზარდებსა და თანამშრომლებს ქველმოქმედების მიზნით აჭმევდნენ, თუმცა მადლიერების ნაცვლად, ლანძღვა მიიღეს. გადაწყვეტილებას ასევე სოციალურ ქსელში გამოეხმაურა უკვე ყოფილი დასაქმებული. ხათუნა მიქელაძის თქმით, 8 ქალი სამსახურიდან ყოველგვარი ახსნა-განმარტებისა და საფუძვლის გარეშე გაათავისუფლეს. როგორც განცხადებაში ვკითხულობთ, დათხოვილ თანამშრომლებს, მიზეზის გასარკვევად, მეუფე სპირიდონთან შეხვედრა სურდათ, რაზეც უარი მიიღეს.