bgმიმდინარე წლის 9 მარტს შემოსავლების სამსახურმა ახალი სიტუაციური სახელმძღვანელო გამოქვეყნდა, რომელიც კაპიტალში შეტანილ და გატანილ თანხებს შორის წარმოშობილი სხვაობის დაბეგვრას ეხება. როგორც აუდიტორული კომპანია "კრესტონ პაპიაშვილი" სახელმძღვანელოში მოყვანილი სიტუაციური მაგალითის მიხედვით წერს, საწარმოს ფინანსური აღრიცხვის მიზნებისათვის ფუნქციონალურ ვალუტად განსაზღვრულია ეროვნული ვალუტა _ ლარი. მაგ. 2020 წელს საწარმოს პარტნიორმა ფიზიკურმა პირმა საწარმოს კაპიტალში განახორციელა 15 000 აშშ დოლარის შენატანი, რომელიც ამ დღისთვის არსებული აშშ დოლარის ოფიციალური გაცვლითი კურსის (2.90) მიხედვით შეადგენდა 43 500 ლარს. 2021 წელს კი პარტნიორმა საწარმოდან გაიტანა 10 000 აშშ დოლარი, რომელიც ამ დღისთვის არსებული აშშ დოლარის ოფიციალური გაცვლითი კურსის (3.10) მიხედვით შეადგენდა 31 000 ლარს. კაპიტალში შეტანილ და გატანილ თანხებს შორის წარმოშობილი სხვაობის თანხა _ 2000 ლარი (31000-29000) საგადასახადო ორგანოს მიერ ჩაითვლება, როგორც საწარმოს მიერ დივიდენდის სახით მოგების განაწილება და თანხის გატანის საანგარიშო პერიოდში დაიბეგრა მოგების გადასახადის 15%-იანი და გადახდის წყაროსთან დასაკავებელი საშემოსავლო გადასახადის 5%-იანი განაკვეთებით.

კრესტონ ჯორჯია არ იზიარებს სიტუაციურ სახელმძღვანელოში აღწერილი ოპერაციის დაბეგვრასთან დაკავშირებით შემოსავლების სამსახურის მიდგომას და მიიჩნევენ, რომ კაპიტალში შეტანილი და გატანილი თანხები უნდა აღირიცხოს პირდაპირ ეროვნულ ვალუტაში _ ლარში.

საინტერესოა რომ შემოსავლების სამსახურის ვებ-გვერდზე მსგავსი სახელმძღვანელო აღარ იძებნება, გუშინ bmg საკითხის გარკვევისთვის უწყების პრესსამსახურს დაუკავშირდა, თუმცა მათი მხრიდან თემაზე პასუხი არ მიგვიღია.

სტუმარი: დავით პაპიაშვილი - აუდიტორული კომპანია "კრესტონ პაპიაშვილის" მმართველი პარტნიორი;




#ახალიამბები #BusinessMediaGeorgia