#ახალიამბები
მორიგი ძალადობრივი თავდასხმა ჟურნალისტზე. ამჯერად, მოძალადეების სამიზნე, „TV პირველი“-ს კორესპონდენტი, ნატო გოგელია გახდა. როგორც, დაზარალებული ამბობს, მას თავს „ალტინფოელი“ მამუკა ანდღულაძე დაესხა, პირი, რომელიც საქართველოს პარლამენტთან, ევროკავშირის დროშის ჩამოხსნისა და დაწვის მონაწილეა. ძალადობრივი ჯგუფის წევრთან, ჟურნალისტი ინტერვიუს ჩასაწერად იყო მისული. ანდღულაძემ, გოგელიას, ტელეფონი დაუმტვრია და ფიზიკური შეურაცხყოფა მიაყენა. ჟურნალისტისთვის, პროფესიულ საქმიანობაში უკანონოდ ხელის შეშლის საქმეზე მოკვლევა, სპეციალურმა საგამოძიებო სამსახურმა დაიწყო, თუმცა, მოძალადე, ამ დრომდე არ დაუკავებიათ. დროული და ობიექტური გამოძიებისთვის, საგამოძიებო ორგანოს, ჟურნალისტური ეთიკის ქარტიაც მოუწოდებს.