#ახალიამბები
მსხვილი პროექტების განხორციელებისთვის დახარჯული მილიონობით ლარი აჭარაში და სამუშაოები რომლებიც კონტროლისა და ტექნიკური ზედამხედველობის გარეშე განხორციელდა - „ნაციონალური მოძრაობა“ „აჭარის პროექტების მართვის კომპანიის“ 2020-21 წლების საქმიანობის შესაბამისობის სახელმწიფო აუდიტის დასკვნას ეხმაურება. ჩამონათვალში მოხვდა, ბათუმის სტადიონი, რომლის მშენებლობისთვისაც, სახელმწიფომ, კომპანია „ანაგს“, 23 მილიონი ლარი გადაუხადა. ოპოზიციაში ამბობენ, რომ სამუშაოების ხარისხის კონტროლი ერთხელაც არ მომხდარა. აუდიტის დასკვნაზე დაყრდნობით, ბათუმის საკრებულოს წევრი აცხადებს, რომ აჭარის მთავრობამ, ასევე, ზედამხედველობის გარეშე ჩაიბარა ბათუმის რესპუბლიკური საავადმყოფო, ხოლო, ქალაქს, ისევ, არ აქვს ყინულის სასახლე და საცურაო აუზი, რომლებიც, ჯერ კიდევ, 2019 წელს უნდა დასრულებულიყო. ხელისუფლების ოპონენტები კორუფციაზე საუბრობენ და შესაბამის სამსახურებს გამოძიებით დაინტერესებისკენ მოუწოდებენ. აჭარის მთავრობაში ოპოზიციის განცხადებას არ უპასუხეს.