ამბის თხრობის პირველი საერთაშორისო ფესტივალი რეგიონში, Zeg Tbilisi Storytelling Festival, წელს 8-10 ივნისს ჩატარდება. ფესტივალი Impact Hub Tbilisi-ს და Coda Story-ის მიერ 2019 წელს დაარსდა და წელს უკვე მესამე ღონისძიება ტარდება, რომელშიც მონაწილეობას 40-მდე უცხოელი სპიკერი მიიღებს. ფესტივალი აერთიანებს სხვადასხვა ინდუსტრიის წამყვან პროფესიონალებს, რომლებიც ამბის გადმოცემის თავიანთ უნიკალურ ხერხებს დამსწრეებს გაუზიარებენ. წლევანდელ Zeg ფესტივალზე European Press Prize-ის დაჯილდოების ცერემონიალიც ჩატარდება, რომელიც ერთ-ერთი ყველაზე მასშტაბური ღონისძიებაა მედიაინდუსტრიაში და სპეციალურად ამ დღისთვის თბილისს 150-მდე წამყვანი ჟურნალისტი, როგორც ევროპიდან, ისე მსოფლიოს სხვადასხვა ქვეყნიდან ეწვევა.

#ახალიამბები #BusinessMediaGeorgia