#ახალიამბები
ბათუმის მერია ფულს კორუფციულად ხარჯავს. კომპანია "ბონდი" და "მინოლითი", რომლებიც ბათუმის საკრებულოს წევრის, ლევან დოლიძის და მისი ოჯახის საკუთრებაა, ავსებენ ბიძინა ივანიშვილის ყულაბას, ქალაქი კი ინფრასტრუქტურის გარეშე რჩება. განცხადება, ბათუმის საკრებულოს წევრმა „ნაციონალური მოძრაობიდან“, რეზო ხარაზმა გააკეთა. ოპოზიციონერის განმარტებით, მუნიციპალურ ტენდერებს, ხელისუფლებასთან დაახლოებული კომპანიები უკონკურენტოდ იგებენ. დეპუტატის მტკიცებით, ოფიციალურად შეწირული თანხების გარდა, „ოცნების“ მაღალჩინოსნები, ტენდერში გამარჯვებული კომპანიებიდან, შავს ფულს „ქეშადაც“ იღებენ. ხარაზი აანონსებს, რომ კორუფიაში მმართველ გუნდს, მომავალშიც ამხელს. თავად ლევან დოლიძემ კი ოპონენტის ბრალდებას „აბსურდული“ უწოდა და პასუხის გაცემა მიზანშეწონილად არ მიიჩნია.