#ახალიამბები
დიდი ოდენობით სხვისი სასაქონლო ნიშნის მართლსაწინააღმდეგო გამოყენების ფაქტზე ორი პირი პასუხისგებაში მისცეს. ფინანსთა სამინისტროს საგამოძიებო სამსახურის ინფორმაციით, ბრალდებულებს მოწყობილი ჰქონდათ სამკერვალოები, სადაც, Adidas-ისა და Nike-ის ნიშნით, ქალისა და კაცის სპორტულ ტანსაცმელს ამზადებდნენ. ბრენდირებულ საქონელს კი, სხვადასხვა სავაჭრო ობიექტზე ყიდდნენ. საგამოძიებო მოქმედებების შედეგად, სარეალიზაციოდ გამზადებული 641 ცალი უკანონოდ ნიშანდებული ტანსაცმელი ამოიღეს. დანაშაული 3-დან 5 წლამდე ვადით პატიმრობას ითვალისწინებს.