კლინიკებისთვის მიმდინარე წლის 1-ელი სექტემბრიდან ახალი რეგულაციები შედის ძალაში. გასული წლის ნოემბერში რეანიმაციული მომსახურების სანებართვო პირობები დამტკიცდა, რომლის თანახმადაც რეანიმაციული სერვისის ყველა მიმწოდებელი ვალდებულია, ჯანდაცვის სამინისტროს მიერ წარმოდგენილი რეანიმაციული მომსახურების სანებართვო პირობები მიმდინარე წლის 1-ელ სექტემბრამდე დააკმაყოფილოს. სტანდარტი რეანიმაციული განყოფილების ინფრასტრუქტურული მოწყობის შესაბამის პირობებს აწესებს, აღჭურვილობის, ლაბორატორიული და დიაგნოსტიკური კვლევების, სამედიცინო პერსონალის რაოდენობისა და განათლების ვალდებულების კუთხით. სანებართვო პირობების გარეშე, კლინიკას რეანიმაციული მომსახურების მიწოდების უფლება არ ექნება. ძალაში შედის ქირურგიის სტანდარტებიც. ჯანდაცვის ასოციაცია რეანიმაციისა და ქირურგიის ახალი სტანდარტების ძალაში შესვლის გადავადებას ითხოვს ჯანდაცვის მინისტრი, ზურაბ აზარაშვილი ვერ ხედავს აუცილებლობას, რომ რეგულაციების ამოქმედება გადავადდეს. აზარაშვილის თქმით, სტანდარტები, რომელიც ძალაში უნდა შევიდეს, ელემენტარულია და აუცილებელია დაკმაყოფილდეს.


#ახალიამბები #BusinessMediaGeorgia