საქართველომ DCFTA-ით აღებული ვალდებულებების 60% უკვე შეასრულა - ეს განცხადება ეკონომიკის მინისტრის მოადგილემ პარლამენტში, ევროპასთან ინტეგრაციის კომიტეტში გააკეთა, სადაც დეპუტატებს ევროკავშირთან ღრმა და ყოვლისმომცველი თავისუფალი ვაჭრობის სივრცის შესახებ ანგარიში წარუდგინა. გენადი არველაძის თქმით, კანონების 99% 2027 წლისთვის შესრულდება. მისი თქმით, მთავრობა სხვადასხვა ინსტრუმენტის დანერგვით, კერძო სექტორს კონკურენტუნარიანობის გასაზრდელად აქტიურად ეხმარება, ევროკავშირში გატანილი პროდუქციის ჩამონათვალი კი მზარდია. რას აკეთებს ხელისუფლება ევროკავშირში ექსპორტის გასაზრდელად და რამდენად ეფექტიანად ვითვისებთ თავისუფალი ვაჭრობის რეჟიმის შესაძლებლობებს?

#ახალიამბები #BusinessMediaGeorgia