ბრაზილიაში, ერთი მიუსაფარი ძაღლი სრულიად ახალი ჯიშის მშვენება აღმოჩნდა. გენეტიკური კვლევის მიხედვით, ძუ ცხოველი დიდი ალბათობით პირველი ამ სახის არსებაა — სამხრეთამერიკული პამპასის მელიისა და ძაღლის ჰიბრიდი.

თავდაპირველად, მისმა გარეგნობამ და ქცევებმა მეცნიერები დააბნია. ცხოველი საერთოდ არ ჰგავდა არც ერთ სხვა ძაღლისებრს, რომელიც იქამდე ენახათ. იყეფებოდა ძაღლივით, თვალებით და მუქი ბალნითაც ძაღლს ჰგავდა, მაგრამ მისი წვეტიანი ყურები და გრძელი დინგი სულ სხვა რამეზე მეტყველებდა.

არც ძაღლის საკვებს ჭამდა, მხოლოდ ვირთხებს მიირთმევდა.

„არც ძაღლივით მორჩილი იყო, მაგრამ არც აგრესიული, რაც ველური ძაღლისებრისგან არის მოსალოდნელი ხელში აყვანისას“, — ამბობს კონსერვაციონისტი, რომელიც ამ არსებას უვლიდა.

უცნაური არსება 2021 წელს რიუ-გრანდი-დუ-სულის შტატის ქალაქ ვაკარიაში აღმოაჩინეს. მანქანის დაჯახების შედეგად მძიმედ იყო დაზიანებული. სამკურნალოდ რიუ-გრანდი-დუ-სულის ფედერალური უნივერსიტეტის გარეულ ცხოველთა კონსერვაციისა და მკურნალობის ცენტრში გადაიყვანეს.

გამოიწერეთ გვერდი