#ახალიამბები
„მთავრობის გამდიდრებისთვის დაანონსებული პროექტები და ბიუჯეტის ფული, რომელიც მოსახლეობას არ ხმარდება“ - „ნაციონალურ მოძრაობაში“ ხელისუფლებას ისევ აკრიტიკებენ. მმართველი გუნდის ოპონენტების განცხადებით, სხვადასხვა პროექტიდან მითვისებული ფინანსური რესურსი, მოახლოებული საარჩევნო კამპანიის დასაფინანსებლად და ისევ „ოცნების“ მმართველობის გასაგრძელებლად იხარჯება. რეზო ხარაზი აცხადებს, რომ საქართველოს რეგიონული განვითრებისა და ინფრასტრუქტურის სამინისტრომ, არ უპასუხა მაისში გაგზავნილ ოფიციალურ წერილზე, თუ რა პროექტების დაფინანსებას აპირებს ხელისუფლება იმ 200 მილიონით, რომელიც აჭარაზე, კურორტების განვითარების პროექტიდან გამოიყო. ხარაზის თქმით, ხელისუფლება, მსხვილ პროექტებზე, ხელშეკრულებას, შპს “საბა კონსტრაქშენთან“ აფორმებს, რომლის უკანაც ბიძინა ივანიშვილი დგას. მისივე განმარტებით, 60 მილიონი აქვს მიღებული კომპანიას, რომელზეც სახელმწიფო აუდიტს კრიტიკული დასკვნები უწერია. ბრალდებების ადრესატი უწყებისგან საპასუხო კომენტარს ველოდებით.