სუვერენული საკრედიტო რეიტინგი არის ქვეყნის შეფასება, თუ რამდენად რისკიანია აღნიშნულ ქვეყანაში ინვესტირება ან რამდენად რისკიანია ამ ქვეყნის რეზიდენტებზე ფულის სესხება, როგორც მთავრობაზე, ასევე კერძო სექტორზე. საერთაშორისო კაპიტალის ბაზარზე ხელმისაწვდომობისათვის, ქვეყნებისთვის კარგი რეიტინგის ქონა უმნიშვნელოვანესია. რაც მეტია რეიტინგი, ქვეყანას უფრო ნაკლებ პროცენტში შეუძლია სესხის აღება, ინვესტორები კი ქვეყანაში ინვესტირების გადაწყვეტილებას უფრო იოლად იღებენ, უფრო ნაკლები მოგების ნორმას ჯერდებიან.ქვეყნების საკრედიტო რეიტინგის შეფასებისას ისეთი სააგენტოები, როგორიც არის S&P Global-ი, Fitch-ი თუ Moody's-ი უყურებენ ქვეყნის სრულ მაკროეკონომიკურ და ფისკალურ ჩარჩოს, ბიუჯეტის შემოსავლებსა და ხარჯებს, ვალის და დეფიციტის დონეს, ქვეყნის ვალუტისა და ინფლაციის დონის სტაბილურობას, ცენტრალური ბანკის დამოუკიდებლობის საკითხს, პოლიტიკურ თუ ბუნებრივი კატაკლიზმების რისკებს, ქვეყნის საგადასახდელო ბალანსს, დემოკრატიის ხარისხს და კიდევ სხვა მრავალ ფაქტორს, რომლებიც ქვეყნის ეკონომიკის გადახდისუნარიანობასთან არის დაკავშირებული.
საკრედიტო სარეიტინგო სააგენტოები შემდგომ ქვეყნებს ორ ძირითად ჯგუფად ალაგებენ, ესენია საინვესტიციო და არასაინვესტიციო ხარისხის მქონე რეიტინგების მქონე ქვეყნები.
საქართველოს საკრედიტო რეიტინგი სწორედ სპეკულაციური რეიტინგის ზონაშია და BB -ს შეადგენს. თუკი ქვეყნის რეიტინგი ორი საფეხურით გაუმჯობესდება, ის BBB მინუსზე გადაინაცვლებს და საქართველოს რეიტინგი საინვესტიციო ხარისხის გახდება.

#ახალიამბები #BusinessMediaGeorgia