ძველ თბილისში ღვინით ვაჭრობის მთავარი ასპარეზი სირაჯხანა იყო. და მიუხედავად იმისა, რომ ტრანსპორტირებისთვის აუცილებელი მოკუპრული ტყავის ჭურჭლის გამო ქართულ ღვინოს სპეციფიკური გემო დაჰკრავდა, დუქნებსა და სარდაფებში გაჩაღებულ აღებ-მიცემობას მაინც დიდი მოგება მოჰქონდა. სპეციფიკური გემოს მიუხედავად, ქართული ღვინო არ დაიწუნებოდა და მის ღირსებებზე XIX საუკუნეში, თბილისში ჩამოსული უცხოელებიც ხმამაღლა საუბრობდნენ - „ქართული ღვინოები ბუნებით კარგი თვისების არიან“, „კახეთის საუკეთესო ღვინოებს კი დიდი მსგავსება აქვთ ბურგუნდიულთან და ესპანურთანო“. ჰოდა, ისიც მინდა იცოდე რომ სირაჯხანა ჩვენებურად, სხვა არაფერს ნიშნავს გარდა ღვინით და არყით მოვაჭრეთა რიგებს, ღვინის სახლს ნიშნავს.

#ახალიამბები #BusinessMediaGeorgia