ავტოსაგზაო შემთხვევა მოხდა რუსთავში,მეგობრობის გამზირზე, "ბეემვე"-ს მარკის ავტომობილის მძღოლმა სავარაუდოდ საჭე ვერ დაიმორჩილა, გზის მარჯვენა მხარეს გადავიდა, რკინის ჯებირს შეეჯახა და მოგლიჯა. ავტომობილმა ინერციით განაგრძო მოძრაობა, ასევე მოგლიჯა ხეები და საგზაო ნიშნები, რამდენჯერმე გადატრიალდა და ისევ რკინის ჯებირზე გაჩერდა.
ადგილზე მობილიზებული იყო საპატრულო პოლიციის, სამაშველო სამსახურისა და სასწრაფო სამედიცინო დახმარების რამდენიმე ეკიპაჟი.

ავტომობილში მყოფი პირები უვნებლად გადმოვიდნენ, მათ პირველადი სამედიცინო დახმარება ადგილზე გაეწიათ.