#ახალიამბები
ავტონომიური რესპუბლიკის ბიუჯეტისა და დაგეგმილი პრიორიტეტების შესახებ იმსჯელეს აჭარის მთავრობის სხდომაზე. აჭარის ბიუჯეტი გაიზარდა და 700 მილიონ ლარს გადააჭარბა. გაიზარდა როგორც სამინისტროების ბიუჯეტი, ისე მუნიციპალიტეტებისთვის გადასაცემი ტრანსფერის მოცულობა. როგორც სხდომაზე აღინიშნა, მომდევნო წლიდან, დაიწყება „ოცნების ქალაქის“ მეორე ეტაპის მშენებლობა, რისთვისაც 17 000 000 ლარია განსაზღვრული. განხორციელდება გოდერძის და გომარდულის ახალი საბაგირო ხაზის მშენებლობა. 36 მილიონამდეა გათვალისწინებული სპორტული ინფრასტრუქტურული პროექტების განსახორციელებლად. 2024 წელს, ჯანდაცვის ბიუჯეტი 11 მლნ ლარით გაიზრდება და 51 255 000 ლარს შეადგენს. შედეგად, გაიზრდება გულის ქირურგიის და ავთვისებიანი სიმსივნით დაავადებულ პაციენტთა დამატებითი სამედიცინო მომსახურება და სხვა.