მომავალ კვირას მსოფლიოს ყურადღების ცენტრში ამერიკის შეერთებული შტატები იქნება, რომელმაც ინფლაციური მონაცემები უნდა გაასაჯაროოს. ანალიტიკოსების შეფასებით, ქვეყანაში წლიური ინფლაციის დონე 3.7%-ის ფარგლებში იქნება. რაც შეეხება საბაზო ინფლაციას, ანუ Core CPI-ს, მისი მაჩვენებელი 4.1%-იან ნიშნულზეა პროგნოზირებული.გარდა ამისა, მომავალ კვირას ცნობილი გახდება, აშშ-ის კერძო სექტორის ბრუნვის და მწარმოებელთა ინდექსის მაჩვენებლებიც.
საინტერესო სიახლეები იქნება იაპონიის მხრიდანაც, რომელიც რეცესიის და ეროვნული ვალუტის გაუფასურების პრობლემებს ერთდროულად ებრძვის.
მთლიანი შიდა პროდუქტზე ისაუბრებენ დიდ ბრიტანეთშიც, სადაც პროგნოზირებულია, რომ მესამე კვარტალში ეკონომიკის მოცულობა 0.1%-ით შემცირდა. ამ შემთხვევაშიც, უარესი შედეგის წარმოჩენის რისკები საკმაოდ მაღალია.

#ახალიამბები #BusinessMediaGeorgia