#ახალიამბები
ქობულეთის საკრებულოში წევრთა სრული შემადგენლობის 69.2% პასიურია და 15.4% მეტ-ნაკლებად პასიური, რაც სრული შემადგენლობის 84.6%-ია. ინფორმაციას საზოგადოებრივი განვითარების აკადემია ავრცელებს. ორგანიზაციამ 2023 წლის II კვარტლის მდგომარეობა შეისწავლა. აღმოჩნდა, რომ წარმომადგენლობითი ორგანოს 39 წევრიდან, 27 პასიურია, ხოლო 6 მეტ-ნაკლებად პასიური. მათზე ხელფასის და სამივლინებო ხარჯების ჩათვლით სულ 273 ათასი ლარი დაიხარჯა, რაც თითქმის ორჯერ მეტია პირველ კვარტალთან შედარებით. ამასთან, 2022 და 2023 წლის პირველ და მეორე კვარტალში არც ერთ დეპუტატს ინიციატივა არ ჰქონია. საპასუხო კომენტარი თემასთან დაკავშირებით ქობულეთის საკრებულოში არ გაკეთდა.