#ახალიამბები
პატიმრობაში მყოფი სააკაშვილი ე.წ. პიჯაკების საქმეზე სასამართლო სხდომას დისტანციურად ჩაერთო. მესამე პრეზიდენტმა ნაციონალურ მოძრაობაში მიმდინარე პროცესებსა და პოლიტიკურ გეგმებზე ისაუბრა. ახსენა პარტიაში არსებული დაპირისპირება და თქვა, რომ თავად ჩაუდგება პროცესის კოორდინაციას სათავეში. სააკაშვილის თქმით, ნაცმოძრაობა არა მეორე ადგილისთვის, არამედ პირველობისთვის უნდა იბრძოდეს. ექსპრეზიდენტმა მიმართა სალომე ზურაბიშვილსაც. განაცხადა, რომ "არაფერს სთხოვს მას, თუმცა აღნიშნავს, რომ ქვეყნის მთავარსარდალს "ერთი ხელის მოწერით შეუძლია, დაუბრუნოს შვილებს მამა და აღადგინოს პოლიტიკური ბალანსი საქართველოში“. სააკაშვილმა სასამართლო პროცესზე განაცახადა, რომ „ქართულ ოცნებას“ პრეზიდენტობის კანდიდატად ამჟამად კულტურის მინისტრი თეა წულუკიანი ჰყავს მომზადებული, ხოლო პრემიერად დედაქალაქის მერს, კახა კალაძეს ამზადებენ.