#ახალიამბები
საქართველოში UNDP-ის მოქმედ ხელმძღვანელს აჭარის უმაღლესი საბჭოს თავმჯდომარემ უმასპინძლა. დაგლას უებთან შეხვედრაზე დავით გაბაიძემ ერთობლივად განხორციელებული, მიმდინარე პროექტები, საერთო მიღწევები და სამომავლო თანამშრომლობის პერსპექტივები განიხილა. სტუმარმა დაათვალიერა ინფრასტრუქტურა და გაეცნო მოქალაქეთა ჩართულობის ცენტრის მუშაობას. ევროკავშირისა და UNDP-ის ხელშეწყობით, აჭარის უმაღლეს საბჭოში შემუშავდა შენობისა და ვებგვერდის ხელმისაწვდომობის კონცეფციები, რომელთა შედეგად, საკანონმდებლო ორგანო რეგიონში ერთ-ერთი პირველია, რომელიც სრულადაა ადაპტირებული შშმ პირთათვის. ამასთან, ღია მმართველობის სამოქმედო გეგმის ფარგლებში, შეიქმნა ახალი ვებპორტალი - chaerte.sca.ge, რომელიც ადამიანებს ელექტრონულ სერვისებს სთავაზობს. ინფორმაცია ვიდეომასალასთან ერთად უმაღლესი საბჭოს პრესსამსახურმა მოგვაწოდა.