#ახალიამბები
დისტანციურად ჩაერთო მიხეილ სააკაშვილი დღეს გამართულ სასამართლო პროცესსაც. სხდომა 7 ნოემბრის საქმეზე მიმდინარეობდა. სახელმწიფო ბრალდება ექსპრეზიდენტს მომიტინგეთა მასობრივად დარბევას, ტელეკომპანია "იმედში" შეჭრასა და ბადრი პატარკაციშვილის კუთვნილი ქონების დანაშაულებრივად ხელში ჩაგდებას ედავება. წარდგენილი ბრალი სასჯელის სახედ და ზომად 5-დან 8 წლამდე ვადით პატიმრობას ითვალისწინებს. სააკაშვილმა მის მიმართვაში მოსახლეობას კანდიდატის სტატუსის მიღება მიულოცა და ქვეყნის ევროპულ მომავალზე ისაუბრა. თქვა, რომ 4 წელში, ხელისუფლების შეცვლის შემდეგ, საქართველო ევროკავშირის სრულფასოვანი წევრი იქნება. ექსპრეზიდენტმა ოპოზიციას ნაცმოძრაობასთან ერთად, პოლიტიკური აქტიურობისა და ერთობის კომიტეტის შექქნა შესთავაზა. აღნიშნა, რომ ახლა ოპოზიციის სრული კოორდინაციაა საჭირო.