გადახდისუუნარობის მიმდინარე რეფორმამდე საქართველოს საკანონმდებლო ჩარჩო, რომელიც არეგულირებს გადახდისუუნარობის საქმის წარმოებას, მკვეთრად განსხვავდებოდა საერთაშორისო სტანდარტებისგან და ვერ აკმაყოფილებდა ვერც კრედიტორთა და ვერც მოვალეთა საჭიროებებს. იგი არ უქმნიდა სტიმულს გადახდისუუნარო სუბიექტებს, რომ აერჩიათ რეაბილიტაცია, როგორც კომპანიის ფინანსური სირთულეების გადაჭრის ოპტიმალური სტრატეგია.

ამ ბარიერების დასაძლევად, 2021 წლის აპრილში საქართველოში ამოქმედდა ახალი კანონი „რეაბილიტაციისა და კრედიტორთა კოლექტიური დაკმაყოფილების შესახებ“. როგორც კანონის დასახელებიდანვე ჩანს, მისი მთავარი მიზანია კრედიტორების კოლექტიური დაკმაყოფილება კომპანიის რეაბილიტაციის გზით, „ხოლო რეაბილიტაციის მიღწევის შეუძლებლობის შემთხვევაში − გადახდისუუნარობის მასის რეალიზაციით მიღებული თანხების განაწილებით”. პრაქტიკოსების შეფასებით, კანონი აუმჯობესებს გადახდისუუნარობის პროცესის ეფექტურობას, ქმნის რამდენიმე ინოვაციურ მექანიზმს და არსებითად ცვლის იმ ინსტიტუციურ სტრუქტურას, რომელიც არეგულირებდა გადახდისუუნარობის საქმის წარმოებას.

სად ვართ კანონის აღსრულების ნაწილში?

სტუმრები: ლიანა ახობაძე - USAID-ის ეკონომიკური მმართველობის პროგრამის მრჩეველი საკანონმდებლო საკითხებში;
თინათინ შუღაროვა - ავტორიზებული გადახდისუუნარობის პრაქტიკოსი, BRIPA-ს გამგეობის წევრი;

#ახალიამბები #BusinessMediaGeorgia