როგორი იყო 2023 წელი საქართველოს ტურიზმისთვის - გუშინ სტატისტიკის ეროვნულმა სამსახურმა საერთაშორისო ვიზიტორების წლიური სტატისტიკა გამოაქვეყნა. ‘ოფიციალური მონაცემებიდან ჩანს, რომ ტურისტების რაოდენობა პანდემიამდელ ნიშნულს 2023 წელსაც ვერ დაუბრუნდა. გასულ წელს, 2019 -თან შედარებით, საერთაშორისო ვიზიტორების მიერ განხორციელებული ვიზიტების რაოდენობა 80.6%-ით აღდგა, ტურისტული ვიზიტები კი - 92.6%-ით.

დეტალურად რომ განვიხილოთ, 2023 წელს საქართველოს 4.7 მილიონი უცხოელი ტურისტი ეწვია, წლიური ზრდა 27.8%-ია. მაყურებელს შევახსენებ, რომ ტურისტად ითვლება ის, ვინც ერთი ღამე მაინც გაათენა საქართველოში. 30.3 პროცენტიანი ზრდა გვაქვს მოგზაურების სტატისტიკაშიც - ტურიზმის მსოფლიო ორგანიზაციის მეთოდოლოგიის თანახმად, მოგზაური არის ნებისმიერი ასაკის პირი, რომელიც გადაადგილდება სხვადასხვა გეოგრაფიულ არეალს შორის ნებისმიერი ხანგრძლივობითა და მიზნით. ოდნავ მეტით, 31,2%-ით გაიზარდა წლიურად საერთაშორისო ვიზიტორების რაოდენობა - ვიზიტორად მიიჩნევა, 15 წლის ან უფროსი ასაკის საქართველოს არარეზიდენტი მოგზაური.

საქსტატის ანგარიში აჩვენებს, რომ 2023 წელს ვიზიტორების ყველაზე დიდი რაოდენობა, 1.2 მილიონი - დაფიქსირდა რუსეთის ფედერაციიდან, რაც ვიზიტორების ჯამური რაოდენობის 23.2 პროცენტია. მეორე ადგილზეა თურქეთი 21.4%-იანი წილით, ხოლო მესამეზე - სომხეთი 13.5%-იანი წილით.

რაც შეეხება საერთაშორისო ვიზიტორების დანახარჯებს - 2023 წელს საქართველომ ტურიზმიდან 13 მილიარდამდე ლარის შემოსავალი მიიღო, რაც წინა წლის ანალოგიურ მაჩვენებელზე 20.5%-ით მეტია, თუმცა გაწეული ხარჯების ჯამური ზრდის მიუხედავად, თითო ვიზიტზე საშუალო ხარჯი 2022 წელთან შედარებით 8.1%-ით შემცირდა და 2 097 ლარი შეადგინა. გასული წლის განმავლობაში ვიზიტორები, ყველაზე მეტ ფულს საქართველოში - განთავსებაზე, ყველაზე ნაკლებს კი ადგილობრივ ტრანსპორტზე ხარჯავდნენ.

არის თუ არა რიცხვებისგან განსხვავებული რეალობა, ენდობა თუ არა ბიზნესი ოფიციალურ სტატისტიკას და როგორი იყო გასული წელი ტურისტული ბიზნესისთვის?

სტუმრები: ერეკლე კოკაია - "ინნ ჯგუფის" სასტუმროების აღმასრულებელი დირექტორი;
გიორგი შენგელია - "კომპანია გასას

#ახალიამბები #BusinessMediaGeorgia