ტექნოლოგიური განვითარების აჩქარებულ ტემპს ყოველდღიურობაშიც ვამჩნევთ და საკუთარ თავზე გამოვცდით. ამ ტექნოლოგიურ განვითარებაში ერთ-ერთ დამაინტრიგებელ ევოლუციურ მოვლენად შესაძლოა ჩავთვალოთ ხელოვნური ინტელექტის შექმნა და მისი განვითარება, შესაბამისად შემდეგ მისი ათვისება სხვადასხვა მიზნებისთვის. განსაკუთრებით ბოლო რამდენიმე თვის მანძილზე ხელოვნური ინტელექტის ირგვლივ გაჩენილი აჟიოტაჟი ტოვებს შთაბეჭდილებას, თითქოს ხელოვნური ინტელექტი სიახლეა, თუმცა ბევრი კომპანიისთვის, მათ შორის საქართველოში, ხელოვნური ინტელექტი უკვე ნაცნობი და აქტიურად გამოყენებადი ტექნოლოგიაა, მათ შორის ის აქამდე ჩვენც გამოგვიყენებია და ბოლო პერიოდში კიდევ უფრო ხშირად ვიყენებთ, მის დახვეწის და მეტი შესაძლებლობების გათვალისწინებით.

კიბერუსაფრთხოება და ხელოვნური ინტელექტი - ანუ როგორ მოქმედებს, როგორ რეაგირებს ის კიბერ შეტევებზე. საბანკო ასოციაცია მუდმივად საუბრობს ძირითად კიბერსაფრთხეებზე და შეგვიძლია ვთქვათ, რომ მეტ-ნაკლებად ფიშინგ შეტყობინების გარჩევა, დღეს ბევრად მარტივია, ვიდრე აქამდე იყო. თუმცა, ხელოვნური ინტელექტის გამოყენებით კიბერთაღლითებს დღეს გაცილებით დიდი რაოდენობის ფიშინგ შეტყობინებების გენერაცია და ბევრად მაღალი ხარისხის, ლეგიტიმურ კონტექსტთან მაქსიმალურად მიახლოებულის გამოგზავნა შეუძლიათ. ასევე, მათ შეუძლიათ ახალი მავნე კოდის შექმნა გაცილებით ნაკლებ დროში და გაცილებით დიდ მასშტაბზე გავრცელება. შედეგად, ზიანის დიაპაზონი და მასშტაბი გაცილებით დიდია, ვიდრე კონვენციური მეთოდებით აქამდე შექმნილი ფიშინგ შეტევები.

სტუმარი: ინგა ქარჩავა - საქართველოს საბანკო ასოციაციის კიბერუსაფრთხოების კოორდინატორი;

#ახალიამბები #BusinessMediaGeorgia