შონ ო’მალის სცენარი მართლდება - ამერიკელმა ჩიტო ვერასთან რევანში მოითხოვა და შეასრულა კიდეც.

ბრძოლის შემდეგ ჩემპიონმა დანა უაითს მიმართა და ილია თოფურიასთან ჩხუბი ისურვა:

"დანა, თვითმფრინავი მჭირდება ესპანეთამდე. ილია თოფურიასთან საჩხუბრად მოვდივარ, მე ილიასთან ჩხუბი მინდა. საინტერესო ჩხუბი იქნება.”

რა თქმა უნდა, ბრძოლას ესწრებოდა სუპერმსუბუქი წონის მომდევნო სატიტულო ბრძოლის მთავარი კანდიდატი, მერაბ დვალიშვილი. ო’მალისა და ვერას ჩხუბის დასრულების შემდეგ ქართველი მებრძოლის მიმართვაც გავრცელდა:

“ახლა ძალიან გაცხარებული ვარ. მან ისევ არ გამომიწვია. კარგი რა, ძმაო. მე ხომ ნომერ პირველი კონტენდერი ვარ. მოდი და მეჩხუბე. თუ ამას იზამ, მსოფლიოც ნახავს, მაგრამ შენ ერთი გამხდარი, შეშინებული ბიჭუნა ხარ და იმას იწვევ, ვინც იცი, რომ არ გეჩხუბება”.

ო’მალის რევანში, კარიერის ბრძოლა, შენარჩუნებული ქამარი და დომინაცია ოქტაგონზე, რომელიც მეტოქის სრული განადგურებით - ხუთივე რაუნდში ჩემპიონის გამარჯვებით დასრულდა - მერაბისთვის საყურადღებო უნდა იყოს სატიტულო ბრძოლის წინ.

გამოიწერეთ ჩვენი სპორტ გვერდი უახლესი სპორტული ვიდეოების სანახავად.