#ახალიამბები
ბათუმში, მიქელაძეების მრავალშვილიანი ოჯახი გამოსახლებას გადაურჩა. დიასახლისი იმდენად მძიმე მდგომარეობაში ჩავარდა, რომ მისი გამოყვანა, აღსრულების ბიურომ ვერ შეძლო. სოციალურად დაუცველებს ღია ცის ქვეშ დარჩენა განუსაზღვრელი დროით გადაუვადდათ. მიქელაძეებმა 8 ათასი დოლარი 2018 წელს, კერძო მევახშისგან, დალი ბალავაძისგან ისესხეს, თუმცა პანდემიის გამო, დათქმულ ვადაში თანხა ვეღარ დააბრუნეს. დღეს, ოჯახი, მევახშეს 10 ათას დოლარს უბრუნებს, თუმცა ბალავაძე საცხოვრებლის დათმობას სთხოვს. ოჯახის ინტერესები დღეს ახლობლებმა, სხვა დაზარალებულებმა და უფლებადამცველებმა დაიცვეს. თამაზ ბაკურიძე ამბობს, რომ გადავადებები, მხოლოდ დროებითი ღონისძიებაა და ხელისუფლებამ პრობლემის გადასაჭრელად, 2012 წელს, წინასაარჩევნოდ დადებული დაპირება უნდა შეასრულოს - გასცეს დაბალპროცენტიანი, გრძელვადიანი სესხები.