#ახალიამბები
78 მომხრე და 13 წინააღმდეგი - პარლამენტმა პრეზიდენტის ვეტო დაძლია. კრიტიკისა და სალომე ზურაბიშვილის მოტივირებული შენიშვნების მიუხედავად, "ოცნების" უმრავლესობამ "საარჩევნო კოდექსში" შეტანილი ცვლილებები დაამტკიცა. რეგლამენტის თანახმად, პარლამენტმა თავდაპირველად კენჭი "საარჩევნო კოდექსში" ცვლილებებზე პრეზიდენტის მოტივირებულ შენიშვნებს უყარა, რასაც მხარი 21-მა დეპუტატმა დაუჭირა, 61 კი წინააღმდეგ წავიდა, შესაბამისად, შენიშვნები არ გაიზიარეს. ამის შემდეგ, პლენარულ სხდომაზე კანონპროექტის თავდაპირველ ვერსიას უყარეს კენჭი, რასაც მხარი 78-მა დეპუტატმა დაუჭირა, 13-მა კი წინააღმდეგ მისცა ხმა.