Hermès-ის წინააღმდეგ პირველი ანტიმონოპოლიური კლასობრივი სარჩელი შეიტანეს. ბრენდს კალიფორნიაში მცხოვრები თინა კავალერი და მარკ გლონოგა ედავებიან. საერთაშორისო მედიის ინფორმაციით, მომჩივნები თვლიან რომ “Birkin”-ის შეძენის შესაძლებლობის მისაცემად, ბრენდი მათგან უკანონოდ მოითხოვდა სხვა კატეგორიებიდან პროდუქტების შეძენას. Hermès-ის გახმაურებული პრაქტიკა, კალიფორნიის მაცხოვრებლებისთვის მიუღებელი აღმოჩნდა.მომჩივანთა მტკიცებით, კომპანიაში დასაქმებული გაყიდვების ასისტენტები მიჰყვებიან სქემას, რომლის მიხედვითაც მომხმარებლებს ბრენდის სხვა პროდუქტების შეძენისკენ უბიძგებენ იმისათვის, რომ ჩანთა “Birkin”-ის ყიდვა შეძლონ. მომხმარებლებს არ აქვთ ჩანთის ონლაინ შეძენის შესაძლებლობა და ხელით დამზადებული, ათასობით დოლარის ღირებულების პროდუქტი ფიზიკური მაღაზიების თაროებზეც არ არის განთავსებული. მიღმა ამ ქეისისა, უკვე წლებია ჰერმესის ბირკინი პოპულარობას არ კარგავს. ის ყველასთვის ხელმისაწვდომი ღირებულებიდან გამომდინარე არაა, თუმცა ფაქტია ბრენდმა მოახერხა შეექნა ერთ-ერთი ყველაზე სასურველი ჩანთა. ვისი ინსპირაციით და რა იდეის გარშემო შეიქმნა ბირკინი?


#ახალიამბები #BusinessMediaGeorgia