სამთო კურორტებზე განხორციელებული დეველოპერული პროექტებისას კი ერთ-ერთი პირველი ვინც გვახსენდება, კომპანია "რედკოა," რომელიც ბაზარზე 2012 წლიდან ოპერირებს. ოფიციალური ინფორმაციით, კომპანია 50 ჰექტარ მიწის ნაკვეთს ფლობს ახალ გუდაურში, რომლის გენერალური გეგმა მსოფლიოში ცნობილმა კანადურმა კომპანიამ '' Ecosign ''შეიმუშავა. ამ გეგმის თანახმად, 2026 წლისთვის ტერიტორიაზე 26 სხვადასხვა ტიპის საცხოვრებელი კომპლექსი, სასტუმრო, დასასვენებელი და გასართობი ობიექტი, ასევე 20 კერძო სახლი და კოტეჯი უნდა არსებობდეს. კომპანიის ჯამურად განხორციელებული ინვესტიციის მოცულობა კი ამ დროისთვის 150 მილიონი აშშ დოლარი უნდა იყოს.