საქართველოს, აზერბაიჯანისა და ყაზახეთის მიერ დაფუძნებული ერთობლივი კომპანია ხელს შეუწყობს შუა დერეფანში გადმომისამართებული ტვირთების შენარჩუნებას - ამის შესახებ ყაზახურ-ქართულ ეკონომიკურ გაერთიანებაში აცხადებენ. როგორც განმარტავენ, ჯერჯერობით კომპანიას სრულყოფილად ფუნქციონირება არ დაუწყია, თუმცა ამ მიმართულებით აქტიურად მიმდინარეობს მუშაობა. ყაზახეთსა და საქართველოს შორის ეკონომიკური ურთიერთობები და შუა სატრანსპორტო დერეფნის განვითარების საკითხები განიხილეს დღეს ბიზნეს ასოციაციაში გამართულ შეხვედრაზე, სადაც აღინიშნა, რომ გასულ წელს ყაზახეთიდან საქართველოში შემოსულმა სავალუტო შემოდინებებმა თითქმის მილიარდ დოლარს მიაღწია.

#ახალიამბები #BusinessMediaGeorgia