ივნისში საქართველოს ეკონომიკა 7.5%-ით გაიზარდა, 6 თვის ზრდა 9%-ია. როგორც სტატისტიკის ეროვნულ სამსახურში აღნიშნავენ, ეკონომიკის ზრდაში მნიშვნელოვანი წვლილი საფინანსო და სადაზღვევო სექტორმა, სამშენებლო, საინფორმაციო - საკომუნიკაციო, ტრანსპორტის და დასაწყობების სექტორებმა შეიტანა. ფეროშენადნობების და ტანსაცმლის წარმოების შემცირების ფონზე, კლება დაფიქსირდა დამმუშავებელი მრეწველობის სექტორში. ეკონომისტების ნაწილი აცხადებს, რომ მაღალ ეკონომიკურ ზრდაზე დროებითი ფაქტორები მოქმედებს. ექსპერტები არჩევნების შემდეგ ზრდის ტემპის შემცირებას ელიან.

#ახალიამბები #BusinessMediaGeorgia