2023/2024 სასწავლო წლის დასაწყისისთვის, საქართველოში 62 უმაღლესი საგანმანათლებლო დაწესებულება ფუნქციონირებდა, აქედან 19 სახელმწიფო და 43 კერძო. უმაღლესი საგანმანათლებლო დაწესებულებების დაახლოებით ორი მესამედი ქალაქ თბილისშია.- წინასწარი შეფასებით, უმაღლესი განათლების სექტორის შემოსავალი 2023 წელს 1.1 მილიარდი ლარი იყო და 2019-2023 წლებში საშუალო ზრდის ტემპმა 9.5% შეადგინა. იმავე პერიოდში კერძო უმაღლესი განათლების სექტორის შემოსავალი უფრო მაღალი ტემპით იზრდებოდა - 17.3%. მეტიც, 2023 წელს წლიურად 29.6%-ით გაიზარდა და 494 მილიონი ლარი შეადგინა. უმაღლესი განათლების სექტორის შემოსავლები გაიზარდა ძირითადად უცხოელი სტუდენტების მხრიდან გაზრდილი მოთხოვნის შედეგად.როგორ ითარგმნება ბაზრის ეს პოზიტიური დინამიკა ამ სექტორში მყოფი კომპანიების ინვესტიციის უკუგებასა და შემოსავალზე და რამდენად რეალურია, რომ ბაზრის პოზიტიური დინამიკა შენარჩუნდეს მომავალში?

რუბრიკის წამყვანი: მარიამ ქოიავა - SavvY-ის მმართველი პარტნიორი;
სტუმარი: ნათია ზედგენიძე - განათლების სექტორის ექსპერტი, პროფესორი;

#ახალიამბები #BusinessMediaGeorgia