,,საქკაბელის'' კიდევ ერთი გლობალური აღიარება. კომპანიის მიერ წარმოებულ სოლარ კაბელს „ტუვ ნორდის“ მიერ უსაფრთხოებისა და ხარისხის დამადასტურებელი საერთაშორისო სერტიფიკატი მიენიჭა.

7 თვიანი ინტენსიური ტესტირების შემდგომ, საერთაშორისო სერტიფიცირების ორგანო ,,ტუვ ნორდმა'' პროდუქციაზე შესაბამისობის სერტიფიკატი გასცა, რომელიც ადასტურებს, რომ "საქკაბელის" მიერ წარმოებული სოლარ კაბელი უზრუნველყოფს მზის პანელების გრძელვადიან, საიმედო ფუნქციონირებას. ეს აღიარება კიდევ ერთხელ ცხადყოფს, რომ „საქკაბელს“ საერთაშორისო დონეზე შეუძლია გაუწიოს კონკურენცია საკაბელო ინდუსტრიის წამყვან მოთამაშეებს. აღსანიშნავია, რომ "საქკაბელის" მიერ წარმოებულ სოლარ კაბელს რამდენიმე თვის წინ შესაბამისობის სერტიფიკატი და CPR ჩეხეთის "ელექტროტექნიკური ტესტირების ინსტიტუტმაც" მიანიჭა, რაც ევროკავშირში სამშენებლო პროდუქციის ჰარმონიზებულ წესებთან თანხვედრას გულისხმობს. გარდა ამისა, მნიშვნელოვანია, რომ "საქკაბელის" მიერ წარმოებული სოლარ კაბელი უკვე წარმატებით გამოიყენება ქვეყანაში სტრატეგიული განახლებადი ენერგიის პროექტების განსახორციელებლად.

#ახალიამბები #BusinessMediaGeorgia