2008-2012 წლებში დეპუტატის ხელფასი იყო 2,865 ლარი, თუმცა ის რამდენიმე კომპონენტისგან შედგებოდა: ეს იყო თანამდებობრივი სარგო 2,000 ლარის ოდენობით, სადეპუტატო უფლებამოსილების თანხა 865 ლარი, 187 ლარი პრემია და 250 ლარი კიდევ პრემია. თავმჯდომარის ხელფასი კი იყო თვეში 4450 ლარი, რაც შედგებოდა 2000 ლარის თანამდებობრივი სარგოსგან, 2450 ლარის სადეპუტატო უფლებამოსილების თანხისგან 187 ლარის პრემიისგან და 250 ლარის პრემიისგან. ამასთან 2008-2012 წლებში იმ დეპუტატებს, რომელთაც არ ჰქონდათ ბინა, ეძლეოდათ ბინის ქირის ანაზღაურება 667 ლარის ოდენობით. ამასთან, ამავე მოწვევის პარლამენტში გაიცემოდა წელიწადში ერთხელ ხელფასის 200%-ის ოდენობის პრემია, და დეკემბერში მეცამეტე ხელფასი, 200%-ის პრემიით, 2010-2012 წლებში კი გაიცემოდა პრემია ხელფასის 100%-200%-ის ოდენობით. 2013 წლიდან კი დეპუტატები პრემიებს აღარ იღებენ.

#ახალიამბები #BusinessMediaGeorgia